اردو زبان میں انفارمیشن ٹیکنالوجی کا مستند جریدہ

موسمیاتی تبدیلیاں امریکہ کو غرق کردیں گی، تازہ تحقیق میں انکشاف

599

ایک تازہ تحقیق میں انکشاف ہوا ہے کہ اس صدی کے آخر تک موسمی تغیرات کے سبب قطبی برف پگھلنے سے سطح سمندر کی بلندی سے امریکہ میں 13 ہزار تاریخی مقامات کو خطرات لاحق ہوسکتے ہیں۔

محققین کا کہنا ہے کہ پانی کی صرف ایک میٹر کی بلندی جنوب مشرقی امریکہ میں تاریخی مقامات کو ڈبونے کے لیے کافی ہے اگر وضع کردہ موسمیاتی ماڈلوں میں پایا گیا رجحان جاری رہا۔

فرانس پریس کے مطابق جن مقامات کو خطرات درپیش ہیں ان میں سے تقریباً ایک ہزار سے زائد مقامات امریکہ کے تاریخی مقامات کے قومی ریکارڈ میں شامل ہیں۔

ان مقامات میں بر اعظم امریکہ کے ریڈ انڈیئنز کے دس ہزار سال پرانے تاریخی مقامات بھی شامل ہیں جو جیسمز ٹاؤن ورجینیا میں واقع ہیں اور جو بر اعظم امریکہ میں برطانوی استعمار کی پہلی مستقل کالونی تھی۔

ٹینسی یونیورسٹی کے پروفیسر اور تحقیق کے سربراہ پروفیسر ڈیوڈ اینڈرسن کا کہنا ہے آئندہ سالوں میں سطحِ سمندر میں اضافہ ایک بڑی تعداد میں تاریخی مقامات کو غرق کردے گا جن میں تاریخی عمارتیں، قبریں، مقامات اور اہم ثقافتی علامات شامل ہیں۔

تبصرے
لوڈنگ۔۔۔۔
error: اس ویب سائٹ پر شائع شدہ تمام مواد کے قانونی حقوق بحق ادارہ محفوظ ہیں