فیس بک پر خفیہ اور خود بخود ڈیلیٹ ہو جانے والے پیغام کیسے بھیجیں

بات چیت کو محفوظ بنانے کے لیے فیس بک نے مسینجر ایپلی کیشن میں اینڈ ٹو اینڈ انکرپشن پہلے ہی متعارف کرا رکھی ہے لیکن اب فیس بک نے جو نیا فیچر متعارف کرایا ہے اس کے ذریعے ایسے پیغامات بھیجے جا سکتے ہیں جو آپ کے مختص کردہ دورانیے کے بعد خود بخود حذف ہو جاتے ہیں۔

self-destructing پیغامات کا یہ فیچر اینڈروئیڈ اور آئی او ایس دونوں صارفین کے لیے مہیا کر دیا گیا ہے۔

اس فیچر کو استعمال کرنے کے لیے فیس بک مسینجر ایپلی کیشن کھول کر نیا پیغام لکھنے والے بٹن کو منتخب کریں۔

آپ کے دوستوں کی مکمل فہرست کھل جائے گی کہ آپ نیا پیغام کس کو بھیجنا چاہتے ہیں اس کو منتخب کریں۔

اس کے ساتھ ساتھ اگر آپ اوپری دائیں کونے میں دیکھیں تو ایک نیا آئی کن موجود ہو گا۔

facebook-secret-message-1

آئی او ایس میں یہاں Secret لکھا ہو گا جبکہ اینڈروئیڈ میں ایک چھوٹے سے تالے والا سلائیڈ موجود ہو گا۔

اس سلائیڈ کر کھسکا کر مخالف سائیڈ پر کریں تو مسینجر کا رنگ فوراً بدل جائے گا کیونکہ اب آپ خفیہ پیغام بھیجنے جا رہے جو آپ کے مخصوص کردہ دورانیے کے بعد خود بخود وصول کرنے والے کے فون سے حذف بھی ہو جائے گا۔ اگلی اسکرین پر اسی حوالے سے بتایا جائے گا۔

facebook-secret-message-2

OK کے بٹن پر ٹچ کر دیں۔ اس کے بعد جب آپ پیغام لکھیں گے تو بھیجنے سے پہلے یہ طے کرنا ہو گا پیغام دیکھے جانے کے کتنے وقت بعد خود بخود غائب ہو جائے۔

facebook-secret-message-3

چند سیکنڈز، منٹس یا گھنٹوں کے علاوہ ایک دن کا وقت بھی منتخب کیا جا سکتا ہے۔

جب بھی آپ اس طرح سیکرٹ میسج بھیجنے کے لگیں تو پہلے بمب کے نشان والے آئی کن کے ذریعے اس کے حذف ہو جانے کا وقت ضرور منتخب کر لیں۔

چونکہ یہ خفیہ چیٹ ہے اس لیے مسینجر میں اس کا الگ سے تھریڈ بھی بن جائے گا تاکہ شناخت ہو سکے۔

یہ تحریر کمپیوٹنگ شمارہ نمبر 123 میں شائع ہوئی

یہ تحاریر بھی اپ کو پسند آئیں گی اس مصنف کے مزید مضامین دیکھیں

Comments are closed.

error: اس ویب سائٹ پر شائع شدہ تمام مواد کے قانونی حقوق بحق ادارہ محفوظ ہیں