twitterfacebook

اپنی پسند کے اسٹورزاور برانڈز پر آنے والی ہرڈیل سے باآسانی آگاہ رہیں

اپنی پسند کے اسٹورزاور برانڈز پر آنے والی ہرڈیل سے باآسانی آگاہ رہیں

زندگی آن لائن ہو جانے کی وجہ سے اب ہم حد سے زیادہ باخبر رہتے ہیں۔ آن لائن خریداری نے بازاروں میں ضائع ہونے والے وقت کو بھی اچھا خاصا بچا لیا ہے۔
آن لائن چیزیں خریدتے ہوئے ہمیں سب سے زیادہ جو چیز پسند ہے وہ ہے ’’ڈسکاؤنٹ‘‘۔ ہم ایسی ڈیلیز کے منتظر رہتے ہیں جن میں اچھی خاصی بچت ہو جائے۔ لیکن اس وقت انتہائی برا محسوس ہوتا ہے جب پتا چلے کہ ہماری پسندیدہ چیز پر بچت چل رہی تھی اور ہمیں اس کی خبر ہی نہ ہوئی۔

صرف 825 روپے میں کمپیوٹنگ میگزین کے سالانہ خریدار بن کر گھر بیٹھے ہر ماہ بذریعہ رجسٹرڈ ڈاک میگزین حاصل کریں اور ساتھ ہی حاصل کریں 3000 روپے مالیت کے 45 سے زیادہ سابقہ شماروں کی سافٹ کاپیز بالکل مفت!

اگر آپ چاہتے ہیں کہ آپ کے پسندیدہ اسٹورز اور برانڈز پر آنے والی ہر بچت اسکیم کی آپ کو فوری خبر ہو جائے تو اس کے لیے آپ کو ’’ڈسکونٹو‘‘ (Disconto) ایپلی کیشن انسٹال کرنا ہو گی۔

ڈسکونٹو آپ کے پسندیدہ برانڈز اور اسٹورز کو جاننے کے بعد آپ کو ان کی جانب سے آنے والی ہر ڈیل کے بارے میں فوری الرٹ کے ذریعے بتاتی ہے۔ اس کے علاوہ یہ آپ کا موجودہ مقام جاننے کے بعد بھی قریب میں موجود ڈیلز سے باخبر رکھتی ہے۔

آن لائن شاپنگ میں پیسے بچائیں

disconto-1یہ ایپلی کیشن صرف کھانوں اور کپڑوں تک محدود نہیں بلکہ خریداری کی 40 سے زائد کیٹیگریز کے حوالے سے بچت اسکیموں سے آپ کو باخبر رکھتی ہے۔

اس ایپلی کیشن کی مدد سے آپ نقشے پر بھی مختلف ڈیلزتلاش کر سکتے ہیں تاکہ جہاں کہیں سے آپ کا گزر ہو اگر وہاں کوئی آپ کی پسند کی ڈیل موجود ہو تو اس پر بھی ہاتھ صاف کرتے جائیں۔
ڈسکونٹو ایپلی کیشن اینڈروئیڈ اور آئی او ایس دونوں صارفین درج ذیل ربط سے مفت ڈاؤن لوڈ کر سکتے ہیں۔
thedisconto.com

ڈسکونٹو عام صارفین کے علاوہ کاروباری اداروں کے لیے بھی دستیاب ہے۔ کاروباری ادارے اپنی مصنوعات کی ڈیلز کے حوالے سے ڈسکونٹو کو بذریعہ فون یا ای میل آگاہ کر سکتے ہیں۔ ڈسکونٹو کی جانب سے اس کی تصدیق کرنے کے بعد اس ڈیل کو بھی ایپلی کیشن میں شامل کر لیا جائے گا۔

یہ تحریر کمپیوٹنگ شمارہ نمبر 123 میں شائع ہوئی

error: اس ویب سائٹ پر شائع شدہ تمام مواد کے قانونی حقوق بحق ادارہ محفوظ ہیں